(რეზონანსი) ოკაცეს კანიონთან აფეთქება მოხდა. რუსი ტურისტების ავტომობილს ცეცხლი მოეკიდა, რის შემდეგაც მანქანა აფეთქდა. შემთხვევის შედეგად არავინ დაშავებულა. ტურისტებმა ავტომობილიდან გადმოსვლა მოასწრეს, ფოტოები შემთხვევის ადგილიდან ტელეკომპანია „რუსთავი 2"-ს თვითმხილველებმა მიაწოდეს.

მათი ინფორმაციით, სოფელ გორდაში მისულ სახანძროს წყალი დაუმთავრდა და ხანძრის დროული ლიკვიდაცია ვერ შეძლო.

ცეცხლის გაჩენის მიზეზი, სავარაუდოდ, გაუმრთავი ელექტროობა იყო. მანქანა მთლიანად დაიწვა. ადგილზე 1 სახანძრო-სამაშველო ბრიგადა იყო მობილიზებული. მეხანძრეებმა ცეცხლი უკვე ჩააქრეს.