(რეზონანსი)გორის ციხის ფერდობზე ხანძარი გაჩნდა. ამის შესახებ ინფორმაციას შიდა ქართლის საინფორმაციო ცენტრი ავრცელებს.

სააგენტოს ცნობით, ხმელ ბალახს ცეცხლი ჩრდილოეთის მხრიდან წაეკიდა და მთელ ტერიტორიაზე გავრცელდა. ცეცხლის გაჩენის მიზეზი და დაშავებულთა შესახებ ინფორმაცია უცნობია.

ადგილზე სამაშველო სამსახურების წარმომადგენლებთან ერთად მოსახლეობაც არის მობილიზებული.