(რეზონანსი) დღეიდან ენერგეტიკის მარეგულირებელი კომისია თბილისში დენის ტარიფზე მსჯელობას იწყებს. „სემეკმა" „თელასის" განაცხადი უნდა შეისწავლოს, საბოლოო გადაწყვეტილებას კი, დეკემბერში გამოაცხადებს.

შეცვლილი ტარიფის შესახებ ენერგეტიკის მარეგულირებელი კომისიის გადაწყვეტილება იანვრიდან არა 1 წლით, არამედ ცვლილების მიხედვით, უკვე 3 წლით ამოქმედდება.

„ტარიფის გადახედვა ცალსახად დღის წესრიგში დგას, იმიტომ, რომ სატარიფო განაცხადები შემოსულია. „თელასის" ტარიფი მოქმედებს მიმდინარე წლის ბოლომდე და 2018 წლის იანვრიდან ძალაში უნდა შევიდეს ახალი სამომხმარებლო ტარიფი" , - განაცხადა ტარიფების და ეკონომიკური ანალიზის დეპარტამენტის დირექტორმა გივი სანიკიძემ.