დენის ტარიფის გარშემო ვნებათაღელვა არ ცხრება. გადასახადის შესაძლო გაძვირებას, რაზეც ორიოდე დღის წინ ენერგეტიკის მინისტრმა განაცხადა, პოლიტიკური ოპოზიციის რამდენიმე წარმომადგენლის მხრიდან პროტესტი მოჰყვა. პოლიტიკოსების პათოსს ენერგეტიკოსებიც იზიარებენ. მათი შეფასებით, ტარიფის ზრდა, თუ ის გარდაუვალი გახდა, მთავრობის იმიჯზე უარყოფითად იმოქმედებს, განსაკუთრებით წინასაარჩევნოდ, როდესაც მმართველი პარტიის მხრიდან ხალხი მეტ მხარდაჭერას მოითხოვს. როგორც სპეციალისტები ვარაუდობენ, გადასახადის გაზრდა არჩევნებზე "ოცნებას" ბუმერანგივით დაუბრუნდება. არ არის გამორიცხულო, ეს თემა სოციალური პროტრესტის საფუძლველი გახდეს, რაზეც სოციოლოგები განსაკუთრებულ ყურადღებას ამახვილებენ.