(რეზონანსი) ეკონომიკური ანალიტიკოსის, ჯეიმს კაკმაკი აზრით, „Twitter"- ის საბაზრო ღირებულება დაახლოებით 2 მილიარდი აშშ დოლარით შემცირდება, თუ აშშ-ის პრეზიდენტი ამ სოციალურ ქსელში საკუთარ გზავნილებს აღარ განათავსებს. კაკმაკის შეფასებით, მსოფლიოს მასშტაბით დონალდ ტრამპზე უკეთესი რეკლამა არსად მოიძებნება.

„Bloomberg"-ის ინფორმაციით, ანალიტიკოსი ხაზგასმით აღნიშნავს, რომ თუ აშშ-ის პრეზიდენტი „Twitter"-ის გამოყენებას შეწყვეტს, ეს მომხმარებლის მასობრივი გადინებას არ გამოიწვევს, მაგრამ სოციალური ქსელის არამატერიალური აქტივებისა და ფასიანი ქაღალდების ღირებულება შემცირდება.

სოციალური ქსელი „Twitter"-ი 2006 წელს შეიქმნა და ყველაზე „ნახვადი „ ინტერნეტრესურსების ათეულში შედის. ამ დროისთვის მისი საბაზრო ღირებულება დაახლოებით 11.7 მილიარდი აშშ დოლარია და იმ დროიდან, რაც ტრამპი აშშ-ის რეზიდენტი გახდა, 14% -ით შემცირდა.

ნიუ-იორკში პრეზიდენტ დონალდ ტრამპის სკულპტურა დადგეს, რომელიც მანჰეტენის ერთ-ერთი სკვერის სკამზე ზის და მტრედებს „ტვიტებით" კვებავს.

„Twitter"- ის ოპერაციების დირექტორის, ენტონი ნოუტოს განცხადებით, ტრამპის ჩანაწერები სოციალურ ქსელში საზოგადოების ინტერესს იწვევს.

„ბედნიერი ვიქნებით, თუ ყველა მსოფლიო ლიდერი გამოიყენებს „Twitter"-ს, როგორც თავის ამომრჩეველთან კომუნიკაციის ძირითად მექანიზმს" , - აცხადებს ნოუტო.

დონალდ ტრამპი „Twitter"- ზე 2009 წლიდან არის დარეგისტრირებული. მას ქსელში 35600 შეტყობინება აქვს დაწერილი,საშუალოდ, რვა შეტყობინება დღეში.