(რეზონანსი) ლისის ტბასთან ცოტა ხნის წინ ხანძარი გაჩნდა. ამის შესახებ „რუსთავი 2" იუწყება. როგორც სახანძრო სამაშველო სამსახურში განაცხადეს, ცეცხლი დაახლოებით 1500-მდე კვ.მ.-ს მოედო.

ხანძრის გამომწვევი მიზეზი ამ დრომდე უცნობია. ცეცხლი უკვე ლოკალიზებულია, თუმცა მეხანძრეები მის ლიკვიდირებაზე მუშაობას ისევ აგრძელებენ.

დამწვარია რამდენიმე წიწვოვანი ხე. მომხდარის შედეგად არავინ დაშავებულა.

ხანძრის ამსახველი ვიდეო და ფოტომასალა სოციალურ ქსელში გავრცელდა.