(რეზონანსი) ხანძარი ხაშურში - ცეცხლი კავშირგაბმულობის ყოფილ შენობას უკიდია. როგორც საგანგებო სიტუაციების სამსახურში განაცხადეს, ცეცხლი შენობის მეორე სართულზე გაჩნდა, რომელიც 150 კვადრატულ მეტრ ფართობისაა.

ადგილზე 4 სამაშველო ჯგუფია მობილიზებული. ცეცხლის ლოკალიზებას კი 20 მეხანძრე-მაშველი ცდილობს.

შენობა დახურულია და შემთხვევის დროს ადგილზე არავინ იმყოფებოდა. უწყებაში განმარტავენ, რომ ცეცხლის გავრცელების საფრთხე არ არსებობს, თუმცა ჯერჯერობით ლიკვიდაცია ვერ ხერხდება.

ხანძრის გაჩენის მიზეზი უცნობია. მიმდინარეობს გამოძიება.