(რეზონანსი) ამ წუთებში ისნის მეორადი ავტონაწილების ბაზრობის ხელმძღვანელობა ხანძრის შედეგად დაზარალებულებს ხვდება. შეხვედრაზე ხანძრის შედეგად გამოწვეულ ზარალზე საუბრობენ.

ისნის ბაზრობის ხანძრის შედეგად დაზარალებულებს დღეს საკუთარი საქონლის დათვალიერების და აღწერის საშუალება მისცეს. სამართალდამცველებმა დამწვარი ტერიტორიის ერთი რიგი გახსნეს.

როგორც დაზარალებულები ამბობენ, საქონელი მთლიანად განადგურებულია. მათივე თქმით, ზარალი ათასობით ლარია. პროდუქცია კი დაზღვეული არ ჰქონიათ.

ისნის ბაზრობაზე ხანძარი 19 აგვისტოს გამთენიისას გაჩნდა. დაახლოებით 38 ჯიხურია დამწვარი.

მომხდართან დაკავშირებით შსს-მ გამოძიება 187-ე მუხლით დაიწყო, რაც სხვისი ნივთის დაზიანებას გულისხმობს.