(რეზონანსი) 21 - 22 აგვისტოს დასავლეთ საქართველოში ცხელი და უმეტესად უნალექო ამინდი შენარჩუნდება, - ამის შესახებ ინფორმაციას გარემოს ეროვნული სააგენტო ავრცელებს.

სააგენტოს ცნობით, ჰაერის ტემპერატურა +33, +38 გრადუსის ფარგლებში იქნება.

ამასთან, 23 აგვისტოს დასავლეთის მიმართულებით ქარი გაძლიერდება და დღის ბოლოს გაწვიმდება.

24 აგვისტოს დღისით გამოიდარებს, ჰაერის ტემპერატურა +24, +29 გრადუსამდე დაიკლებს.

25 აგვისტოდან ჰაერის ტემპერატურა კვლავ მოიმატებს და +29, +34 გრადუსის ფარგლებშია მოსალოდნელი.

რაც შეეხება აღმოსავლეთ საქართველოს, 23 - 24 აგვისტოს ცალკეულ რაიონში შესაძლებელია ხანმოკლე წვიმა ელჭექით და ქარის გაძლიერება, დანარჩენ დღეებში ცხელი და უმეტესად უნალექო ამინდია მოსალოდნელი. ჰაერის ტემპერატურა +32, +37 გრადუსის ფარგლებში იქნება.