(რეზონანსი) ბორჯომში გაჩენილი ხანძრის სალიკვიდაციო სამუშაოებში სომხეთიც ერთვება. როგორც პრემიერ-მინისტრმა გიორგი კვირიკაშვილმა განაცხადა, სომხეთიდან რიგი ეკიპაჟები უკვე გზაშია.

„ჩვენ აზერბაიჯანისგან ძალიან მნიშვნელოვანი პირველი დახმარება მივიღეთ. დღის ბოლოს უკვე ძალიან მოცულობითი, დიდი სახანძრო თვითმფრინავი თურქეთიდან ჩამოფრინდება - ეს გადაწყვეტილება თურქეთის პრემიერ-მინისტრმა მიიღო, მიუხედავად იმისა, რომ მათ თვითონ აქვთ ეს პრობლემა. მინდა ასევე ვთქვა, რომ სომხეთმა მიიღო გადაწყვეტილება და მთელი რიგი ეკიპაჟები გზაშია და ჩამოდიან", - განაცხადა კვირიკაშვილმა.