(რეზონანსი) საგანგებო შტამბა, ბორჯომის ხეობასა და სხვა რეგიონებში ხანძრის სალიკვიდაციო სამუშაოებთან დაკავშირებით, განცხადება გაავრცელა, სადაც ნათქვამია, რომ დუშეთის რაიონის, სოფელ ზემო თვალივში ხანძარი ლიკვიდირებულია.

მათივე ინფორმაციით, სოფელ ზემო თვალივში ვერტმფრენმა მუშაობა სტიქიის ზონაში უკვე დაასრულა.

„ამ დროისთვის მთაზე ცეცხლი სრულად ჩამქრალია, ცეცხლის კერები აღარ შეინიშნება. სამაშველო სამსახურები სრული ლიკვიდირებისა და ვითარების კონტროლის მიზნით, ნახანძრალ ადგილებს კიდევ ერთხელ შეამოწმებენ", - ნათქვამია განცხადებაში.

დუშეთში ხანძრის ქრობის პროცესში კერძო კომპანიის ვერტმფრენი იყო ჩართული.