(რეზონანსი) შინაგან საქმეთა მინისტრ გიორგი მღებრიშვილის განცხადებით, საგანგებო შტაბის დილის თათბირის შემდეგ, თავდაცვის მინისტრთან ერთად, ტერიტორია ვერტმფრენის საშუალებით დაათვალიერა, რათა ყველა პრობლემური ლოკაციის იდენტიფიცირება მოეხდინათ.

„თამამად შეიძლება ითქვას, რომ ხანძარი უკვე ლიკვიდირებულია. მიუხედავად ამისა, ზონაში თავდაცვის სამინისტროს პირადი შემადგენლობა, მეხანძრე-მაშველები, ასევე ავიაცია რჩებიან. ჩვენ ყველა პრევენციულ სამუშაოს ვაწარმოებთ, რათა შემდგომში ზედმეტი გართულებები აღარ მოხდეს", - განაცხადა მღებრიშვილმა.