(რეზონანსი) თბილისის საკრებულოს წევრის, ზურაბ ნეფარიძისთვის აღკვეთის ღონისძიების შეფარდების საკითხზე თბილისის საქალაქო სასამართლო დღეს იმსჯელებს. სასამართლო პროცესი 15:30 საათზეა ჩანიშნული.

ნეფარიძეს ბრალი სსკ-ს 338-ე მუხლის მესამე ნაწილით წარედგინა, რაც ქრთამის აღებას გულისხმობს. ბრალის დამტკიცების შემთხვევაში ნეფარიძეს 11-დან 15 წლამდე თავისუფლების აღკვეთა ემუქრება.

დაკავებულის ადვოკატის თქმით, ნეფარიძე წარდგენილ ბრალდებაში თავს დამნაშავედ არ ცნობს და მიაჩნია, რომ ბრალდებაში არსებული მტკიცებულებები აბსურდულია.