(რეზონანსი) ბორჯომის ხეობაში ხანძრის ჩაქრობის პროცესში მონაწილე აზერბაიჯანელმა და სომეხმა მეხანძრე -მაშველებმა საქართველო დატოვეს.

ხეობაში ერთი ბელარუსული ვერტმფრენი რჩება, თუმცა როგორც შსს-ს საგანგებო სიტუაციების სამსახურში აცხადებენ, ბელარუსული ვერტმფრენი საქართველოს დღეს დღის განმავლობაში დატოვებს.

ამ დროის მონაცემებით, ბორჯომის ხეობაში ხანძრის სალიკვიდაციო სამუშაოებისთვის ადგილზე შსს-ს სხვადასხვა დანაყოფების 1000-მდე წარმომადგენელი, სპეც ტექნიკა და თავდაცვის სამინისტროს ასეული რჩება.

რაც შეეხება სოფელ დაბასთან არსებულ საგანგებო შტაბს, ის მუშაობას კვლავ განაგრძობს და ადგილზე ქართველი მეხანძრე - მაშველები რჩებიან.