(რეზონანსი) ერთ-ერთმა მოქალაქემ „ერთიანი ნაციონალური მოძრაობის" თბილისის მერობის კანდიდატისთვის ზაალ უდუმაშვილისთვის ბრიფინგის ჩატარებაში ხელის შეშლა სცადა.

მაშინ როდესაც უდუმაშვილი, მაჟორიტარობის კანდიდატებთან ერთად, მერიაში ბიუროკრატიული ხარჯების შემცირებასთან დაკავშირებით, საკუთარ ინიციატივას წარადგენდა, ერთ -ერთმა მოქალაქემ ბრიფინგის ჩაშლა სცადა, შეძახილებით: ,,მეცოცხეებო".

ინტინდენტს საპატრულო პოლიციის მხრიდან დროული რეაგირება მოჰყვა. მოქალაქე სამართალდამცავებმა ტერიტორიიდან გაიყვანეს.

„ნაციონალურ მოძრაობაში" ფაქტს სუს-ის მიერ ორგანიზებულს უწოდებენ. პარტიაში ამბობენ, რომ აღნიშნული პირი ბრიფინგზე კახა კალაძის ბიძაშვილთან ერთად მივიდა.