(რეზონანსი) ოლიმპიურ ქალაქს თავს ძლიერი შტორმი დაატყდა. შავი ზღვის სანაპიროს ქარბორბალამ გადაუარა. ქარიშხალს თან ძლიერი წვიმა დაერთო.

ძლიერი წვიმის გამო ქალაქის ქუჩები დაიტბორა, ქარმა რამდენიმე შენობას სახურავიც ახადა.

რუსეთის საგანგებო სიტუაციების სამსახურმა ადგილობრივი მოსახლეობა და ტურისტები უკვე გააფრთხილა, რომ უამინდობა სოჭში მომდევნო ორი დღის განმავლობაშიც გაგრძელდება.

სტიქიას ნგრევა და მსხვერპლი არ მოჰყოლია. დაშავებულების შესახებ ინფორმაცია არ გავრცელებულა.