(რეზონანსი) თელავის მუნიციპალიტეტის სოფელ რუისპირში ხანძრის შედეგად რქაწითელისა და საფერავის ჯიშის ვენახები დაიწვა.

რუისპირში თელავის მუნიციპალიტეტის გამგებლის წარმომადგენელის, თემურ გიგაურის ინფორმაციით, სოფლიდან მოშორებით მდებარე ვენახში ცეცხლი მოსახლეობამ გვიან შენიშნა.

"სახანძრო სამაშველო სამსახურის სამი ბრიგადის ადგილზე ოპერატიულად მისვლის მიუხედავად, ორი კერძო მესაკუთრის ვენახი მთლიანად დაიწვა, მესამეს გადარჩენა შეძლეს",- ამბობს გიგაური.

ხანძრის ჩაქრობაში სამი სახანძრო ბრიგადა მონაწილეობდა და ხანძარი ამ დროისთვის უკვე ლიკვიდირებულია.