(რეზონანსი) მაშველებმა ბოლო 24 საათის განმავლობაში ფოთსა და ურეკში 12 ადამიანი გადაარჩინეს. აღნიშნულზე ინფორმაციას საქართველოს საგანგებო სიტუაცის მართვის სააგენტო ავრცელებს.
„შსს-ს საგანგებო სიტუაციების მართვის სააგენტოს წყალზე მაშველებმა ბოლო 24 საათის განმავლობაში, ფოთსა და ურეკში, 12 მოქალაქე გადაარჩინეს, მათ შორის, უცხო ქვეყნის 7 მოქალაქე. გადარჩენილთა შორის ყველაზე უმცროსი 5 წლის ბიჭი, ყველაზე ასაკოვანი კი 73 წლის მამაკაცი იყო.
"შავი ზღვის სანაპიროზე, გუშინ, ამინდის გაუარესების გამო, საშტორმო მდგომარეობა გამოცხადდა. შსს-ს მაშველები მონიტორინგს უწყვეტ რეჟიმში ახორციელებდნენ, სანაპირო ზოლზე არსებულ ყველა საგუშაგოზე ცურვის ამკრძალავი წითელი ალმები იყო აღმართული. ამ დროისთვის, საშტორმო მდგომარეობა მოხნილია. შესაბამისად, ყველა საგუშაგოზე თეთრი ალმებია აღმართული", - ნათქვამია უწყების განცხადებაში.