ცესკო "ქრისტიან-კონსერვატიული პარტიის" წევრებს სამტრედიის საოლქო საარჩევნო კომისიის შენობაში ძალით შეჭრასა და კომისიის წევრებისთვის საქმიანობის ხელის შეშლაში ადანაშაულებს. პარტიის ლიდერი შოთა მალახშია ამ ყველაფერს დეზინფორმაციას უწოდებს. უფრო მეტიც, ის ხელისუფლებას არჩევნების გაყალბებაში ადანაშაულებს. თუმცა, არ უარყოფს, რომ მისი პარტიის წარმომადგენელი ოლქში ნამდვილად იმყოფებოდა და ყველაფერს აფიქსირებდა ვიდეოკამერით.