(რეზონანსი) დიდი ბრიტანეთის სამეფო ოჯახს მალე ახალი წევრი შეემატება. კემბრიჯის პრინცი უილიამი და ქეით მიდლტონი მესამე შვილს ელოდებიან.

BBC-ის ცნობით, ამის შესახებ კენსინგტონის სასახლემ ოფიციალურად განაცხადა. როგორც სასახლის განცხადებაშია აღნიშნული, დედოფალი და წყვილი ახალი ამბის გამო მოხარულია.

ორსულობის და მისგან გამოწვეული გართულებების გამო ქეით მიდლტონი იძულებული გახდა დღეს ლონდონში დაგეგმილი ღონისძიება გადაედო. ის ამჟამად კენსინგტონის სასახლეში იმყოფება.

სამეფო წყვილს 4 წლის პრინცი ჯორჯი და 2 წლის პრინცესა შარლოტა ჰყავს.