(რეზონანსი) გარემოს ეროვნული სააგენტოს ინფორმაციით, 4-5 სექტემბერს საქართველოში ცხელი და უმეტესად უნალექო ამინდია მოსალოდნელი.

6 სექტემბერს დღის მეორე ნახევრიდან 8 სექტემბრის დილამდე საქართველოში დროგამოშვებით ხანმოკლე წვიმა და ელჭექია მოსალოდნელი.

7 სექტემბერს ზოგან შესაძლებელია ძლიერი წვიმა და სეტყვა, დროგამოშვებით იქროლებს დასავლეთის მიმართულების ძლიერი ქარი.

9-10 სექტემბერს საქართველოში კვლავ უმეტესად უნალექო ამინდი და ტემპერატურის მნიშვნელოვანი მომატებაა მოსალოდნელი.