(რეზონანსი) ბათუმისა და ლაზეთის ეპარქიის ინფორმაციით, მიტროპოლიტი დიმიტრი, ე.წ ციანიდის საქმეზე და დეკანოზ გიორგი მამალაძისთვის დღეს გამოტანილ განაჩენზე განცხადებას დღეს, 18:00 საათზე გააკეთებს.

ე.წ. ციანიდის საქმეზე კათოლიკოს- პატრიარქის ძმისშვილი 18 ივლისს დაკითხეს. ბათუმისა და ლაზეთის მიტროპოლიტმა, მეუფე დიმიტრიმ ჩვენების დროს გიორგი მამალაძესთან ურთიერთობაზე ისაუბრა.

"აინტერესებდათ რა ურთიერთობა მქონდა მამა გიორგისთან. მე მივეცი ჩვენება, რომ მქონდა მასთან ურთიერთობა როგორც მღვდელთმთავარს,"- მეუფე დიმიტრიმ დეკანოზის პროცესზე ჩვენების მიცემის შემდეგ.

შეგახსენებთ, თბილისის საქალაქო სასამართლომ ე.წ. ციანიდის საქმეზე დეკანოზი გიორგი მამალაძე დამნაშავედ სცნო და 9 წლით თავისუფლების აღკვეთა მიუსაჯა.