(რეზონანსი) მოსკოვში ამერიკის საელჩომ რუსეთის მოქალაქეებისთვის აშშ-ის ვიზების გაცემა განაახლა. მსურველებს ონლაინ რეჟიმში ნებისმიერ დროს განცხადების დატოვება შეუძლიათ, - ამის შესახებ რუსულ მედია „რია ნოვოსტის" აშშ-ს დიპლომატიური მისიის პრესმდივანმა მარია ოლსონმა განუცხადა.

სავიზო განაცხადების მიღება პირველი სექტემბრიდან განახლდა. აშშ-მა, რუსეთის მასშტაბით, საემიგრაციო ვიზების გაცემა 23 აგვისტოს შეაჩერა, რაც რუსეთის ქმედებებზე საპასუხო რეაქცია იყო.

შეგახსენებთ, რომ რუსეთმა ვაშინგტონს დიპლომატიური მისიის 755 თანამშრომლიდან 455-მდე შემცირება მოსთხოვა. აშშ-ის საელჩოს თანამშრომლის განცხადებით, ვიზების გაცემა მხოლოდ მოსკოვში ამერიკის საელჩოში იქნება შესაძლებლი.