(რეზონანსი) გარემოს ეროვნული სააგენტოს ინფორმაციით, საქართველოს მდინარეებზე ხვალ წყლის დონის მატებაა შესაძლებელი.

მათი განცხადებით, ცალკეულ რაიონებში შესაძლოა მეწყერულ-ღვარცოფული პროცესები აღინიშნოს.

საქართველოს მთელ ტერიტორიაზე მოსალოდნელია ნალექი. დასავლეთ საქართველოს უმეტეს რაიონებში 7 სექტემბერს, ზოგან ძლიერი, შესაძლებელია ძალიან ძლიერი, ნალექი, ელჭექი, დასავლეთის მიმართულების ძლიერი ქარი, ზოგან სეტყვა და ჰაერის ტემპერატურის მნიშვნელოვანი კლებაა მოსალოდნელი.

ზღვაზე კი შესაძლოა 4-5 ბალიანი შტორმი იყოს.