(რეზონანსი) საბურთალოზე, ალექსიძის ქუჩაზე რუსეთის მოქალაქეს თავს დაესხნენ. არსებული ინფორმაციით, მამაკაცს სადარბაზოში სამი ადამიანი დაესხა თავს და მისი გაძარცვა სცადეს.

ადგილზე სასწრაფო დახმარებისა და პოლიციის ბრიგადები იყო მობილიზებული. დაზარალებული საავადმყოფოშია გადაყვანილი.

რუსი ტურისტი შესაძლოა დღესვე დაკითხონ, გამომძიებლები ექიმების შესაბამისს ნებართვას ელოდებიან.

როგორც შინაგან საქმეთა სამინისტროში განაცხადეს, საქმეზე ძიება სისხლის სამართლის კოდექსის 178-ე მუხლით არის დაწყებული, რაც ძარცვას გულისხმობს.