(რეზონანსი) ავტოსაგზაო შემთხვევის შედეგად, მცხეთა-სტეფანწმინდა-ლარსის საავტომობილო გზის მერვე კილომეტრზე, ორი ადამიანი დაიღუპა და სამი დაშავდა. ერთმანეთს მსუბუქი ავტომანქანა და სამგზავრო ავტობუსი შეეჯახნენ.

შემთხვევა გვიან ღამით მოხდა. არსებული ინფორმაციით, ავტობუსი საქართველოში სომხეთიდან მოდიოდა.

როგორც შსს-ში ამბობენ, მომხდარზე გამოძიება სსკ-ს 276-ე მუხლის მეშვიდე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ორი ან მეტი ადამიანის სიცოცხლის მოსპობა.