(რეზონანსი) კიევში მომხდარი აფეთქებისას, რომლის დროსაც საქართველოს მოქალაქე, თემურ მახაური, იგივე რუსლან პაპასკირი და მეტსახელად „ზონა" გარდაიცვალა, კიდევ ერთი ქალი დაშავდა. უკრაინული ტელევიზიის, „112 Украина"-ის ცნობით, ის ცნობილი მოდელი და „Dior"-ის ერთ-ერთი სახეა.

ამის შესახებ უკრაინულ ტელევიზიას მოდელის მეგობარმა განუცხადა.

„მას ნატალია ჰქვია და „Dior"-ის სარეკლამო სახე იყო" , - თქვა დაშავებული ქალის მეგობარმა და დაამატა, რომ მას ოპერაციას უკეთებენ.

კიევის ცენტრში ავტომობილი 8 სექტემბერს, გვიან ღამე აფეთქდა. უკრაინულმა პოლიციამ მომხდარს ტერაქტის კვალიფიკაცია მისცა.