(რეზონანსი) სამართალდამცველებმა ოჯახში ძალადობის ბრალდებით, ერთი პირი დააკავეს. 1979 წელს დაბადებული დ.ჯ., რუსთავში, საკუთარ ბინაში აიყვანეს.

გამოძიებამ დაადგინა, რომ ბრალდებულმა ფიზიკურად იძალადა საკუთარ მეუღლეზე - 1987 წელს დაბადებულ დ.ს.-ზე, რომელმაც მომხდარის შესახებ პოლიციას აცნობა. ასევე დადგინდა, რომ დ.ჯ.-მ მეუღლის მიმართ ანალოგიური ქმედება წარსულშიც რამდენჯერმე ჩაიდინა.

ბრალდებული ჩადენილ დანაშაულს აღიარებს. გამოძიება ოჯახის ერთი წევრის მიერ ოჯახის სხვა წევრის მიმართ ძალადობის და სისტემატური შეურაცხყოფის ფაქტზე მიმდინარეობს.