(რეზონანსი) „Statista" მსოფლიოში ყველაზე ძვირადღირებული კომპანიების განახლებულ მონაცემებს აქვეყნებს. აპრილის მონაცემებით ლიდერი „Apple"-ია. 1976 წელს კალიფორნიაში სტივ ჯობსის და სტივ ვოზნიაკის მიერ დაარსებული კომპანიის საბაზრო ღირებულება 752 მილიარდი აშშ დოლარია.

პირველი პროექტი, რომელიც ჯობსმა და ვოზნიაკმა განახორციელეს, მოწყობილობა „BlueBox"-ი იყო. ის ტელეფონის ქსელში აგზავნიდა იმპულსებს და მწყობრიდან გამოჰყავდა სატელეფონო სადგური. ამ მოწყობილობით შესაძლებელი იყო მსოფლიოს ნებისმიერ ქვეყანაში უფასოდ დარეკვა.

კომპანია „Alphabet"-ი კარგად ნაცნობი „Google"-ის მშობელია. კომპანია 579,5 მილიარდ აშშ დოლარად არის შეფასებული.

მესამე ადგილზეა „Microsoft"-ი. კომპანიაში დასაქმებულია დაახლოებით 97 ათასი ადამიანი. მისი ღირებულება 507.5 აშშ მილიარდი დოლარია.

მეოთხე და მეხუთე ადგილებზე არიან Amazon.com და Berkshire Hathaway, 427 და 409.9 მილიარდი აშშ დოლარიანი საბაზრო ღირებულებით.