(რეზონანსი)ტეხასის შტატში სროლის შედეგად 8 ადამიანი დაიღუპა, 2 დაშავებული კი საავადმყოფოში გადაიყვანეს. ქალაქ პლანოში მდებარე ერთ-ერთ სახლში მამაკაცმა შენობაში მყოფებს ცეცხლი გაუხსნა. თავად თავდამსხმელი ადგილზე მისულმა პოლიციამ მოკლა.

მომხდართან დაკავშირებით მიმდინარეობს გამოძიება. სამართალდამცველებისთვის თავდასხმის მოტივი ჯერჯერობით უცნობია.

პოლიციელები ადგილობრივმა მცხოვრებლებმა სროლის ხმის გაგონებისთანავე, დილის 8:00 საათზე გამოიძახეს.