(რეზონანსი) ქალაქ გორში, საბჭოთა ბელადის,იოსებ სტალინის ნახატი „3 დე" ფორმატში დაამზადეს და თამარ მეფის ქუჩაზე მდებარე სასტუმრო „ვიქტორიას" შესასვლელთან გამოფინეს. ამის შესახებ ინფორმაციას და ფოტომასალას შიდა ქართლის ადგილობრივი მედია ავრცელებს.

სტალინის ნახატის გამოფენის ინიციატორი საზოგადოება „გორელების" ხელმძღვანელი, ზურაბ წკრიალაშვილი იყო. ის სასტუმროს ერთ-ერთი მეწილეა.

„თუ ვინმეს არ მოეწონება, გადაეცით ჩემგან მოკითხვა. უნდა გამოვაკრათ,რადგან გორელები ვართ და ვალდებულები ვართ" , - განაცხადა წკრიალაშვილმა.