(რეზონანსი) გარემოს ეროვნული სააგენტო უახლოესი დღეების ამინდის პროგნოზს აქვეყნებს. სინოპტიკოსების ცნობით, 12-13 სექტემბერს შედარებით აგრილდება და აღმოსავლეთ საქართველოს ზოგიერთ რაიონში შესაძლებელია მცირე, ხანმოკლე წვიმა ელჭექით.

„14-17 სექტემბერს საქართველოს მთელ ტერიტორიაზე მოსალოდნელია უმეტესად უნალექო ამინდი. ჰაერის ტემპერატურა კოლხეთის დაბლობსა და ბარში იქნება +33, +35°; სანაპირო ზოლში +28, +30°; მთიან რაიონებში +28, +33°; მაღალმთაში +19, +24°, ზოგან +31°-მდე" , - ნათქვამია გარემოს ეროვნული სააგენტოს განცხადებაში.