(რეზონანსი) სოფელ ხურვალეთის მონაკვეთზე ე.წ ხანძარსაწინააღმდეგო ხნულების გაფართოება მიმდინარეობს. ინფორმაციას საოკუპაციო რეჟიმის მიერ ხნულების გაფართოებაზე, სამოქალაქო მოძრაობა „ძალა ერთობაშია"-ს აქტივისტები სოციალურ ქსელში ავრცელებენ. ადგილზე სამუშაოებს ორი ტრაქტორი ასრულებს.

„დღეს ჩვენი სამოქალაქო სადამკვირვებლო მისიის 50-ე დღეა. რუსმა ოკუპანტებმა დღესაც განაგრძეს ე.წ. ხანძარსაწინააღმდეგო ხნულების გავლება. ამჯერად მათი სამუშაო ტექნიკა ხნულებს ავლებს ცენტრალური ავტომაგისტრალიდან ყველაზე ახლოს, 300 მეტრში დარჭობილ ბანერთან!!!" , - ნათქვამია „ძალა ერთობაშია"-ს განცხადებაში.