(რეზონანსი) საერთაშორისო ბაზარზე ნავთობზე ფასის ზრდა და ლარის კურსის ბოლოდროინდელი მერყეობა საქართველოში ნავთობპროდუქტებზე უკვე აისახა. თითქმის ყველა ტიპის საწვავი საშუალოდ 5 თეთრით გაძვირდა.ზოგიერთ ბრენდირებულ ბენზინგასამართ სადგურზე ბოლო დღეების განმავლობაში საწვავი უკვე გაზრდილი ღირებულებით იყიდება.

„ლუკოილის" ბენზინგასამართ სადგურებზე 10 სექტემბრის შემდეგ საწვავის ფასმა 5 თეთრით მოიმატა. „ევრო სუპერი" 2.29 ლარი ღირს, 10 სექტემბერს მისი ფასი 2.24 ლარი იყო. „პრემიუმ ავანგარდის" ფასი - 2.14 ლარიდან და 2.19 ლარამდეა გაზრდილი. „ევრო რეგულარის" ტიპის საწვავი 1.94 ლარი ღირდა, დღეს კი მისი ფასი - 1.99 ლარია.

საწვავი გაძვირებულია „ვისოლის" ბენზინგასამართ სადგურებზეც. დღეს ეკო-სუპერი" 2.39 ლარი ღირს, 24 აგვისტოს მდგომარეობით კი მისი ფასი 2.35 ლარი იყო. „ეკო-პრემიუმის" ფასი - 2.23 ლარიდან 2.27 ლარამდეა გაზრდილი. „ეკო -დიზელის" ტიპის საწვავი - 2.14 ლარი ღირს, აქამდე 2.04 ღირდა. „ევრო-რეგულარის" ღირებულება - 2.04 ლარიდან 2.08 ლარამდე გაიზარდა.

ფასები 2-5 თეთრით არის მომატებული ზოგიერთი ტიპის საწვავზე „გალფის" და „სოკარის" სადგურებზეც. საწვავის ფასებმა გასულ თვეშიც მოიმატა.