(რეზონანსი) საქართველოს პრემიერ-მინისტრ გიორგი კვირიკაშვილის ინფორმაცით, 16 სექტემბერს 429 დევნილ ოჯახს ბინები გადაეცემა. ამის შესახებ კვირიკაშვილმა მთავრობის დღევანდელ სხდომაზე განაცხადა.

პრემიერის თქმით, 2018 წელს 700-მდე დევნილი სახლს მიიღებს.

"ქუთაისში 16 სექტემბერს 429 დევნილ ოჯახს ბინები გადაეცემა. ეს უკვე დაახლოებით 1500 დევნილი მოქალაქეა. ჩვენ ამ მიმართულბეით მუშაობას გავაგრძელებთ. ასევე, ქუთაისსა და წყალტუბოში ახალი კორპუსების მშენებლობა უკვე დაწყებულია და 2018 წელს 700-მდე დევნილი ოჯახი დამატებით ბინას მიიღებს",- განაცხადა კვირიკაშვილმა.