(რეზონანსი) ლონდონის მეტროპოლიტენის „პარსონს გრინის" სადგურზე ძლიერი აფეთქება მოხდა. ამის შესახებ ინფორმაციას ბრიტანული მედია ავრცელებს.

გავრცელებული ცნობით, არიან დაშავებულები, რომელთაც სხვადასხვა სახის დამწვრობა აღენიშნებათ. გარდაცვლილების შესახებ ჯერ-ჯერობით ინფორმაცია არ ვრცელდება. ასევე უცნობია მომხარი არის თუ არა ტერაქტი.

ადგილზე სასწრაფო სამედიცინო დახმარების ბრიგადები და საგანგებო სიტუაციების სამსახურის წარმომადგენლები მობილიზებული არიან. სხვა დამატებითი დეტალები ამ ეტაპზე უცნობია.