(რეზონანსი) კულტურის სამინისტროს ცნობით, ცნობილ ქართველ საოპერო მომღერალ ზურაბ სოტკილავას თბილისში 20 სექტემბერს ჩამოასვენებენ. სამოქალაქო პანაშვიდები მის საცხოვრებელ ბინასა და შემდეგ ოპერის თეატრის წითელ დარბაზში გაიმართება.

მომღერალს 23 სექტემბერს დაკრძალავენ თუმცა ჯერჯერობით უცნობია რომელ სასაფლაოზე.

ზურაბ სოტკილავა 80 წლის ასაკში მძიმე ავადმყოფობის შემდეგ მოსკოვის საავადმყოფოში გარდაიცვალა.

საოპერო მომღერლის გარდაცვალებაზე მწუხარება საქართველოს პრეზიდენტმა, გიორგი მარგევაშვილმა, პრემიერ-მინისტრმა, გიორგი კვირიკაშვილმა და პარლამენტის თავმჯდომარე, ირაკლი კობახიძემ გამოთქვა.