(რეზონანსი) ბრიუსელში ნატო-საქართველოს კომისიის სხდომა 20 სექტემბერს გაიმართება, რომელსაც შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილი და საგარეო საქმეთა მინისტრის მოადგილე, დავით დონდუა დაესწრებიან. ინფორმაციას „პირველი არხი" ავრცელებს.

ციხელაშვილი და დონდუა შეხვედრას ნატო-ს გენერალური მდივნის მოადგილესთან, როუზ გოტემოლერთან გამართავენ.

ნატო- საქართველოს კომისიის სხდომა ელჩების დონეზე ჩატარდება.

მთავარი თემა კონფლიქტები და ოკუპირებულ ტერიტორიებზე არსებული ვითარებაა.

ნატო-საქართველოს კომისიის სხდომა ბოლოს მიმდინარე წლის 12 სექტემბერს ქალაქ ბრიუსელში გაიმართა.