(რეზონანსი) საქართველოს მთავარ პროკურატურაში ფონდ „იავნანას" ხელმძღვანელი პირების მიერ, სამსახურებრივი მდგომარეობის გამოყენებით, დიდი ოდენობით თანხების შესაძლო მითვისება-გაფლანგვის ფაქტზე გამოძიება დაიწყო.
პროკურატურის ცნობით, გამოძიების დაწყებას საფუძვლად დაედო არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაციის" ვიცე-პრეზიდენტის განცხადება, სადაც განმცხადებელი მიუთითებდა, რომ ფონდ "იავნანას" ხელმძღვანელი პირების მხრიდან შესაძლოა ადგილი ჰქონოდა საქველმოქმედო მიზნებისათვის მოპოვებული თანხების არამიზნობრივად ხარჯვასა და მართლსაწინააღმდეგო მითვისებას.
გამოძიება საქართველოს სსკ-ს 182-ე მუხლის მეორე ნაწილის „დ" და მესამე ნაწილის „ბ" ქვეპუნქტებით მიმდინარეობს.
ცნობისთის, „ახალგაზრდა ფინანსისტთა და ბიზნესმენთა ასოციაცია" საქართველოს პროკურატურას 14 სექტემბერს მოუწოდა პაატა ბურჭულაძის საქველმოქმედო ფონდ „იავნანა"-ს საქმიანობით დაინტერესდეს.
ფონდი „იავნანა" მათ წინააღმდეგ წარმოებულ კამპანიას ბინძურს უწოდებს და ბრალდებებს პაატა ბურჭულაძის დისკრედიტაციის მცდელობად აფასებს.