(რეზონანსი) რუსეთის პრეზიდენტმა ვლადიმერ პუტინმა ოკუპირებული ცხინვალის დე ფაქტო მთავრობას ე.წ. რესპუბლიკის დღის 27-ე წლისთავთან დაკავშირებით „მილოცვა" გაუგზავნა.

"ეს დღესასწაული სამხრეთ ოსეთის იმ მოსახლეობის გმირობის სიმბოლოდ იქცა, ვინც ბრძოლით დაიცვა თავისი თავისუფალი და მშვიდობიანი ცხოვრების კანონიერი უფლება" - ნათქვამია ტექსტში.

რუსეთის პრეზიდენტის მიერ გაგზავნილ ტექსტში ასევე საუბარია რუსეთსა და ოკუპირებულ რეგიონს შორის „მეკავშირეობისა და სტრატეგიული პარტნიორობის დოკუმენტის" მნიშვნელობასა და რუსეთის მზაობაზე - გააგრძელოს რეგიონისთვის სოციალურ-ეკონომიკური მიმართულებით დახმარების გაწევა და უსაფრთხოების უზრუნველყოფა.