(რეზონანსი) საქართველოს პრეზიდენტმა, გიორგი მარგველაშვილმა ოპოზიციისთან ერთად შემუშავებული საკონსტიტუციო ცვლილებების ალტერნატიული ვარიანტი ევროპარლამენტარებსაც გააცნო.

შეხვედრა პრეზიდენტის ადმინისტრაციაში გაიმართა.

საქართველო-ევროკავშირის ასოცირების კომიტეტის წევრებისა და პრეზიდენტის შეხვედრაზე საუბარი ქვეყანაში მიმდინარე სხვა აქტუალურ საკითხებს და საქართველო-ევროკავშირის თანამშრომლობის პერსპექტივებსაც შეეხო.

შეგახსენებთ, რომ პრეზიდენტი და ოპოზიცია საკონსტიტუციო ცვლილებების ალრეტნატიულ ვერსიაზე შეთანხმდნენ, რომელიც „ქართულ ოცნებას" და ვენეციის კომისიას გადეგზავნა.

პრეზიდენტმა დღეს ალტერნატიული ვარიანტი არასამთავრობო ორგანიზაციებს გააცნო.