(რეზონანსი) ყაზბეგში სამების ეკლესიასთან მისასვლელი საავტომობილო გზის 5.6 კმ-იან მონაკვეთი კეთდება. ამის შესახებ საავტომობილო გზების დეპარტამენტი იუწყება. სამუშაოები მაისში დაიწყო და 2018 წლის შემოდგომაზე დასრულდება. პროექტის ღირებულება 7 793 854 ლარია.

მოლაშქრეების დიდი ნაწილი აქამდე ეკლესიამდე ფეხით ადიოდა. ხოლო ტურისტები ყაზბეგში დაქირავებული „დელიკებით". მიმდინარე ზაფხულს მაღალი გამავლობის ავტომობილის მომსახურება ყაზბეგში საშუალოდ 50 ლარი ღირდა.

პროექტის ფარგლებში ხორციელდება ცემენტ-ბეტონის საფარის, წყალგამტარი მილების, საყრდენი კედლების, ავტომობილების გასაჩერებელი მოედნებისა და გზის კეთილმოწყობის სამუშაოები.

გერგეტის ყოვლადწმინდა სამების ტაძარი XIV საუკუნის ძეგლია.