(რეზონანსი) პარლამენტის თავმჯდომარემ, ირაკლი კობახიძემ პრეზიდენტს საკონსტიტუციო ცვლილებების მესამე მოსმენით მისაღებად რიგგარეშე სხდომის დანიშვნის მოთხოვნით მიმართა. ამის შესახებ განცხადებას საქართველოს პარლამენტის აპარატი ავრცელებს.

„კანონპროექტის მესამე მოსმენა დაგეგმილია სამშაბათს, 26 სექტემბერს, 14:00 საათიდან, საქართველოს პარლამენტის რიგგარეშე პლენარულ სხდომაზე. აღნიშნული მიზნით, საქართველოს პარლამენტის რიგგარეშე სხდომის მოსაწვევად, საქართველოს პარლამენტის თავმჯდომარემ დღეს, 14:00 საათზე, ელექტრონული საქმისწარმოების სისტემის მეშვეობით შესაბამისი წერილობითი მოთხოვნით მიმართა საქართველოს პრეზიდენტს" , - აღნიშნულია პარლამენტის აპარატის განცხადებაში.