(რეზონანსი) ბორჯომის ხეობაში, ე.წ. არჯევანიძეების ტყეში დაკვამლიანებამ იმატა, გაძლიერდა ქარიც. ადგილზე ამ დროისთვის მუშაობას განაგრძობს 3 ვერტმფრენი, მათ შორის ერთი აზერბაიჯანულია. წაღვერის რაიონში უახლოეს საათებში თურქულ ავიაციასაც ელოდებიან.

რთული ვითარებაა მზეთამზის ქედზეც, დილის 07:00 საათიდან სასაზღვრო პოლიციის, კერძო კომპანიისა და აზერბაიჯანელების ვერტმფრენი მუშაობს. ამ ეტაპზე სტიქიის ზონაში ცეცხლის ღია კერები არ შეინიშნება, თუმცა ტერიტორიაზე დაკვამლიანება ისევ რჩება.

წაღვერში ხანძარი უკვე მეორედ, რამდენიმე დღის წინ გაჩნდა. ამჯერად ცეცხლის გაჩენის მიზეზად მეხის ჩამოვარდნა სახელდება.