(რეზონანსი) რუსეთის პრეზიდენტი ვლადიმერ პუტინი 28 სექტემბერს თავის თურქ კოლეგა რეჯეპ ტაიპ ერდოღანს შეხვდება. ინფორმაციას კრემლის პრესსამსახური ავრცელებს.

"28 სექტემბერს ანკარაში სამუშაო შეხვედრაზე რეგიონალური და ორმხრივი დღის წესრიგის განხილვაზე შეთანხმდნენ", - ნათქვამია განცხადებაში.

მანამდე, თურქეთის პრეზიდენტმა ნიუ-იორკში გამართულ ფორუმზე განაცხადა, რომ პუტინს 28 სექტემბერს შეხვდება.

"ორშაბათს, პუტინთან სატელეფონო საუბარი მექნება და ხუთშაბათს ვახშამი",- განაცხადა თურქეთის პრეზიდენტმა.

ერდოღანსა და პუტინს შორის ბოლო შეხვედრა გერმანიაში „დიდი ოცეულის" სამიტზე შედგა. ორი ქვეყნის ლიდერებმა სირიის კონფლიქტის მოგვარების საკითხზე, თურქეთის ნაკადის პროექტის განხორციელებასა და ატომური ელექტროსადგურის მშენებლობაზე იმსჯელეს.