(რეზონანსი) საბერძნეთის პროფკავშირების გადაწყვეტილებით, ქვეყნის ყველა მედიასაშუალებაში 24-საათიანი გაფიცვა მიმდინარეობს.

დღეს დილის 6 საათიდან ხვალ დილის 6 საათამდე რადიოს და ტელევიზიით ახალი ამბების გამოშვება არ გავა, საინფორმაციო საიტებიც არ მუშაობს.

გაფიცულები დამატებითი სოციალური დაზღვევის სისტემის შენარჩუნებას და მედიასაშუალებების თანამშრომლების შრომითი და სოციალური უფლებების დარღვევის შეწყვეტას ითხოვენ.

პროფკავშირებში ამბობენ, რომ მთავრობასთან და დამსაქმებლებთან ერთწლიანი მოლაპარაკებების შედეგად ვერ მოხერხდა იმ ფონდის გადარჩენა, რომლის საშუალებითაც ჟურნალისტები დამატებით პენსიებს, სამედიცინო მომსახურებას და ერთჯერად ფინანსურ დახმარებას იღებდნენ.