საქართველოში ახალი ენერგეტიკული ობიექტების მშენებლობის ტემპი ვერ ეწევა ელექტროენერგიაზე გაზრდილ მოთხოვნას, რომელიც ყოველწლიურად 3,5-4%-ით იზრდება. ენერგოდეფიციტს ქვეყანა იმპორტის საშუალებით ინაზღაურებს, რაც ძვირი სიამოვნებაა. ენერგეტიკოსები გამოსავალს ჰესების დაჩქარებულ მშენებლობაში ხედავენ, თუმცა იქვე აღნიშნავენ, რომ დაწყებული პროექტები არასწორად ვითარდება, რაც სამომავლოდ გაზრდილ ტარიფს მოგვცემს.