ბესარიონ ხარძიანის მკვლელობის საქმეზე ბრალდებულებს 19 წლით თავისუფლების აღკვეთა შეეფარდათ, თუმცა ბიზნესმენის ოჯახი დამკვეთების დასჯას ითხოვს და კონკრეტულ გვარებსაც ასახელებს - ქურასბედიანს და უდესიანს. პირველი უკრაინაში ბიზნესმენია, მეორე კი სააკაშვილის პრეზიდენტობისას სხვადასხვა თანამდებობაზე მუშაობდა, მათ შორის თბილისის მერიის სპორტის დეპარტამენტის უფროსად. ორივე მათგანი ამჟამად საზღვარგარეთ იმყოფება.