(რეზონანსი) ფოთში ძლიერმა წვიმამ მოსახლეობას პრობლემები შეუქმნა. ეზოები და საცხოვრებელი სახლების პირველი სართულები დაიტბოტა. გადაადგილება უჭირს როგორც ტრანსპორტს, ისე ქვეითად მოსიარულეებს. ინფორმაციას „პირველი არხი" ავრცელებს.

ადგილობრივები შექმნილ ვითარებას გაუმართავ სატუმბ სადგურებს და მოუწესრიგებელ სანიაღვრე არხებს უკავშირებენ.

„ფოთი ვენეციას დაემსგავსა. შეუძლებელია ქუჩებში სიარული. მოვითხოვთ ამ პრობლემის დაუყონებლივ მოგვარებას", - განაცხადა ადგილობრივმა ფატიმა კოკაიამ.

ხელისუფლების ინფორმაციით, შვიდივე სატუმბი სადგური შეუფერხებლად მუშაობს და პრობლემა უხვმა ნალექმა გამოიწვია.