(რეზონანსი) თბილისის საქალაქო სასამართლო დედაქალაქის მერიასთან გუშინ დაკავებული ექვსი პირის საქმეზე დღეს იმსჯელებს.

შსს-ს ინფორმაციით, თბილისის მერიასთან გამართულ აქციაზე ექვსი ადამიანი ადმინისტრაციულ სამართალდარღვევათა კოდექსის 166-ე და 173-ე მუხლებით გათვალისწინებული ქმედებისთვის დააკავეს.

შეგახსენებთ, რომ გუშინ თბილისის მერიასთან "ნაციონალურმა მოძრაობამ" აქცია გამართა. აქცია სამი საათის განმავლობაში დაპირისპირების ფონზე მიმდინარეობდა. „ნაციონალური მოძრაობის" წევრმა ლევან ხაბეიშვილმა კი განაცხადა, რომ სუს-ის წევრებმა ის აქციიდან მოიტაცეს და სცემეს.